Kryeministri grek ka folur në ceremoninë e përurimit të panairit të 83 ndërkombëtar të Selanikut, ku është shprehur për rritjen pozitive të ekonomisë greke.
Gjithashtu Cipras ka shpalosur objektivat e ardhshme të qeverisë së tij, me theksin tek rritja e pagave dhe tek ulja e papunësisë, ku sipas tij gjatë 3 viteve të fundit u hapën 300 mijë vende pune.
Pikat kryesore të fjalimit të Cipras:
Pas nëntë vitesh, ekonomia ndjek kurs pozitiv zhvillimi. Për të gjashtin 3mujor rresht po shënon ritme pozitive, dhe në vitin 2018, këto ritme zhvillimi pritet të jenë afër 2,5%. Papunësia, nga 27% në vitin 2015, ra në nivelin 19,1%. Gjatë tre viteve, u krijuan mbi 300 mijë vende të reja pune.
*Trend rritës po ndjekin eksportet, industria, konsumi dhe tregëtia me pakicë.
*Objektivi i parë i programit tonë për periudhën pasardhëse për atdheun tonë, është të rifitojmë tregun e punës. Të garantojmë kushte dinjitoze pune dhe shpërblimi për të gjithë qytetarët, burra dhe gra. Të arrijmë të ulim papunësinë në nivelin 10% gjatë pesëvjeçarit të ardhshëm.
*Sot jemi përsëri në gjëndje që të sjellim në qendër të vëmendjes sonë forcat e afta për punë. Reforma e parë do të jetë rikthimi i negociatave kolektive, rregullime sa më të favorshme, nënshkimi i kontratave kolektive të punës, parimi i shtrirjes së këtyre kontratave të fillojë të zbatohet që prej 21 Gushtit.
*Reforma e dytë do të jetë rritja e rrogës minimale. Pas uljeve masive të rrogave që erdhën me memorandumin e dytë, sot jemi në gjëndje të shpallim se angazhim i qeverisë është që rritja minimale të realizohet në vitin 2019, pasi të përfundojnë konsultimet me subjektet dhe grupet e interesit.
*Bëmë realitet angazhimin tonë për akses të plotë dhe tërësor të qytetarëve të pasiguruar, në sistemin shëndetësor. Të gjitha strukturat publike u përforcuan me personel shtesë.
*Për herë të parë bile, përfundoi marrja në punë e 19 mijë pedagogëve plotësues, dhe kjo para fillimit të vitit të ri arsimor. Shkollat në të gjithë vendin do të hapen duke pasur të plotësuara nevojat e tyre për personel mësimdhënës dhe për libra shkollorë.
*Që prej ditës së sotme bile, kemi mundësinë të korrigjojmë padrejtësi tëmemorandumeve dhe t’u kthejmë atyre që u takojnë, shuma monetare që u janë mbajtur padrejtësisht.
*Ndryshojmë strukturën e taksës së pronave të patundshme, në mënyrë që ajo të bëhet më proporcionale, më e drejtë, më e vogël për banesat sociale, rrjedhimisht, të transformohet më tepër në një taksë për pronat e mëdha të patundshme dhe jo të jetë një haraç për shtresat e gjëra të popullit.
*Duke u kushtuar më tepër kujdes mjekëve, inxhinierëve dhe avokatëve, zvogëlojmë në minimumin që është në fuqi sot, domethënë 64,5 euro në muaj, kontributet e tyre për pension suplementar dhe për shumën që marrin në dorë me të dalë në pension.
*Kontributet që paguajnë profesionet e lira do të zvogëlohen deri në 35%.
*Thithje investimesh të reja që janë të një rëndësie primare për rritjen e prodhimit dhe për zvogëlimin e papunësisë.
*Taksat për bizneset do të zvogëlohen nga 29% në 25%.
*Një prej kërcënimeve më të mëdha për vendin, është problemi demografik. Subvencionimi i qirasë së banesës është një prej masave që do të rrisë mundësinë për çiftet e reja të hedhin hapin e parë, të jetojnë së bashku, të krijojnë familje. Subvencionim mujor për qeranë , nga 70 – 200 euro në muaj, për të paktën 300 mijë familje.
*Forcojmë shtetin social me Forcimin e Edukatës së Veçantë nëpër shkolla publike: Punësim i menjëhershëm i 4500 mësuesve dhe personeli të specializuar dhe një Program ‘’Ndihme në Shtëpi’’ për të moshuarit dhe personat me aftësi të kufizuara.
*Rritja e rrogës minimale, dhe abrogimi i rrogave nën minimalen, duhet të bëhet në mënyrë të tillë që të krijojë konsensus social, por edhe të forcojë konkurrencën e ekonomisë greke.
*Subvencionim i kontributeve për sigurim për të rinj që sapo kanë filluar punë, të moshës deri 25 vjeç, në sektorin privat.
*Abrogim taksash për fermerë dhe kooperativa fermerësh.
*Dëshërojmë që Selaniku të shndërrohet në kryeqytet të Ballkanit, të bëhet zemra e zhvillimit në Ballkan. Të bëhet nyje tregëtie dhe shkëmbimesh ekonomike, të bëhet urë kulturash dhe jo gardh – një qytet që u kthen shpinën fqinjëve të tij dhe pjesës së brëndshme të vendit.
*Me këtë vizion, me këtë besim, me krenari dhe me ndjenjën e detyrës kundrejt kombit, të bëjmë Greqinë, përsëri tonën. Një Greqi të prosperitetit, të barazisë dhe të përparimit.