Një playboy me një dëshirë të madhe për makinat dhe gratë, Matteo Messina Denaro di si të dallohet nga turma.
Burri, të cilit shpesh i referohen si “shefi i bosëve” të mafies siciliane dikur u bashkua me El Chapo-n dhe pasardhësin e Osama Bin Laden në listën e 10 të arratisurve më të kërkuar në botë.
I njohur ndryshe si Diabolik, Denaro thuhet të ketë qenë i përfshirë në vrasjen e një fëmije të mbytur dhe më pas të tretur në acid. Po kështu, kërkohet nga policia për mbi 50 vrasje, për të cilat është dëgjuar shpesh të mburret se “unë kam mbushur një varrezë të gjithën vetë.”
Lindur në tokën italiane, Denaro e ndërtoi emrin e tij famëkeq përmes një seri vrasjesh dhe mizorish gjithnjë e më ekstreme.
Djali i “capos” (kapitenit) mafioz me ndikim Francesco Messina Denaro u ngrit në radhët e para të mafies siciliane duke mësuar të përdorë një armë në moshën 14-vjeçare dhe të kryente vrasjen e tij të parë kur ishte 18.
