Lëvizte me biçikletë, ekzekutohet 42-vjeçari shqiptar në Gjermani, u qëllua nga pas në kokë

55
Sigal

Ekzekutohet me armë një shqiptar në qendër të qytetit të Krefeld në veriperëndim të Dyseldorfit. Ngjarja ndodhi të hënën të hënën në mbrëmje. Operacion i gjerë policor në qytetin Krefeld.

Sipas informacionit të BILD, një çiklist në pjesën jugore të qytetit në Garnstraße u godit nga disa të shtëna pak para orës 20:00. Shqiptari që sipas policisë gjermane rezulton me precedentë u rrëzua i vdekur në mes të rrugës.

Autori ose autorët mësohet se e kanë qëlluar në pjesën e pasme të kokës nga një distancë e shkurtër. Duket si një ekzekutim i plotë. Më pas sulmuesi u largua.

  • foto galeri
  • foto galeri

“Ka ndodhur një vrasje”, ka konfirmuar deri tani një zëdhënës i policisë. Nuk ka detaje të mëtejshme për faktin në rrugën realisht të qetë dhe të ngushtë të banimit. Më pas policia ka rrethuar vendin e krimit.

Gjatë natës ai është matur gjerësisht me një skaner 3D, po vijojnë kërkimet për autorin ose autorët e arratisur. Deri më tani nuk ka asnjë arrestim.