Gjykata në Colmar të Francës ka marrë vendimin për lirimin e kreut të AAK-së, Ramush Haradinaj.
“Është refuzuar kërkesa për ekstradimin tim në Serbi dhe tani jam i lirë. Shpresoj që të kthehem që sot në Kosovë. Janë humbur 4 muaj kohë, por në këtë përballje kanë fituar shqiptarët. Ka ndodhur ajo duhet të ndodhte”- tha Haradinaj pas vendimit të gjykatës për lirimin e tij.
Ish-kryeministri i Kosovës dhe kryetar i Aleancës për Ardhmërinë e Kosovës, është ndaluar nga policia franceze më 4 janar, në bazë të një urdhër-arresti ndërkombëtar të lëshuar nga Serbia përmes Interpolit. Ai akuzohet nga drejtësia e Serbisë për krime lufte.
vijon..
