Britania e Madhe duhet të vaksinojë dy milionë qytetarë në javë për të shmangur valën e tretë të pandemisë së Coronavirus, të paktën kështu pretendojnë hulumtimet e bëra nga shkolla për higjienë dhe medicinë tropikale në Londër, shkruan Reuters.
Mënyra e vetme që të zvogëlohet presioni në repartet e kujdesit intensiv siç është parë gjatë valës së parë, është aplikimi i masave të rrepta në mbarë vendin siç është mbyllja e shkollave gjatë janarit dhe vaksinimi i dy milionë qytetarëve brenda një jave, thuhet ndër tjera në një studim.
Autorët e studimit paralajmërojnë se nëse nuk vaksinohen në masë të madhe qytetarët, numri i të infektuarve dhe pacientëve të vdekur gjatë vitit të ardhshëm, do të jetë dukshëm më i madh sesa në këtë vit.
Në anën tjetër, kryeministri britanik Boris Johnson dhe ekipi i këshilltarëve, pretendojnë se varianti i ri i coronavirusit me shpejtësi të madhe po përhapet nëpër këtë vend. Madje ky variant i ri mund të jetë shumë i transmetueshëm – për 70 për qind – por nuk konsiderohet më vdekjeprurës.
Tërmeti në Kroaci / Nënat me të porsalindurit përfunduan jashtë në të ftohtë
