Kanye West është futur në një tjetër polemikë menjëherë pas një skandali të pahijshëm ekspozimi gjatë arratisjes në Itali me gruan e tij, Bianca Censori.
Reperi po përballet me një padi për mos sigurimin e lehtësive të duhura për stafin e tij, duke i bërë ata të flenë në kushte të improvizuara në shtëpinë e tij në Malibu, që është në ndërtim e sipër.
Sipas The Mirror, dokumentet zbulojnë se punonjësit të tij nuk i është dhënë akses në një mjedis të përshtatshëm për të fjetur pasi ai ishte i detyruar të flinte në kushte të improvizuara pa një shtrat dhe punonjësi përdorte pallton e tij si shtrat në hapësira boshe në tokë.
Paditësi kundër Kanye, Tony Saxon, pretendon se ai filloi të punonte si security i reperit në shtator 2021 dhe po përdorej gjithashtu për punë të lidhura me ndërtimin.
Fotot e marra nga Mirror treguan punëtorët duke fjetur në kushte të këqija pa akses në shtrat, batanije apo jastëk.
Përveç ankesës për kushtet e këqija të punës, paditësi ka akuzuar edhe Kanye-n për hakmarrje për refuzimin e përmbushjes së kërkesave të rrezikshme.
Toni shton se ndërsa po punonte për rinovimin e një shtëpie të blerë nga Kanye, reperi donte të hiqte energjinë elektrike dhe dritaret. Urdhri që paraqiste rrezik ekstrem nuk u përmbush, dhe më pas, Tonit iu tha të largohej.
