Një operacion që synonte zbulimin e një rrjeti të madh të trafikut të drogës çoi në arrestimin e dy personave dhe sekuestrimin e 720 gramëve kokainë, 770 gramëve hashash dhe 230 gramëve marijuanë.
Sipas asaj që shkruajnë mediat italiane, ndër të arrestuarit njëri është një 57-vjeçar shqiptar, banues në Faenze, i regjistruar me precedentë të mëparshëm penalë.
Pjesa më e madhe e drogës u gjet gjatë një kontrolli brenda shtëpisë së tij.
Hashashi është ruajtur në vezë, ku secila mbante nga 10 gram.
Autoritetet italiane vijojnë hetimet për zbardhjen e plotë të rrjetit.