Një grua shqiptare është plagosur rëndë pas një aksidenti të ndodhur mbrëmjen e sotme.
Ngjarja ka ndodhur në Ravena, Itali, ku shqiptarja 50 vjeçe ishte duke udhëtuar me biçikletë.
Por në një moment ajo është përplasur nga një makinë ‘Opel’, duke e hedhur disa metra tutje.
Makina drejtohej nga një italian 63-vjeçar.
Sipas asaj që raportojnë mediat italiane, gruaja shqiptare ka qenë e plagosur, por e vetëdijshme për atë që kishte ndodhur.
Në vendin e ngjarjes kanë mbërritur policia dhe auto ambulanca.
Gruaja shqiptare është dërguar në spitalin e Ravenas, në gjendje të rëndë, por jashtë rrezikut.
Italiani 63-vjeçar është shoqëruar në polici.
