Një kuzhinier nga Florida e Jugut thotë se ai jetoi një makth kohët e fundit kur policia e ngatërroi me një të arratisur me të njëjtin emër, pamje të ngjashme dhe pothuajse të njëjtën ditëlindje.
Sipas mediave të huaja, përcjell Telegrafi, Leonardo Silva Oliveira, 26 vjeç, kërkohej nga policia.
Por më 20 janar, autoritetet arrestuan një burrë tjetër të quajtur Leonardo Silva Oliveira, 26 vjeç, jashtë restorantit të Broward County ku ai ishte një kuzhinier.
Oliveria, kuzhinier, kaloi pesë ditë në burgun e qarkut Broward.
Ai thotë se autoritetet duhet ta dinin se ai nuk ishte i arratisur sepse ishte 10 ditë më i ri dhe nuk kishte tatuazhe.
Në raportin e policisë thuhet se Oliveria, i arratisuri, ka një tatuazh në krahun e majtë dhe një orë në të djathtë.
“Më kontrolluan krahët. Ata nuk panë asnjë tatuazh. Por prapë më arrestuan”, ka rrëfyer kuzhinieri.
Raporti i arrestimit të Departamentit të Policisë Coconut Creek tha se kuzhinieri u identifikua përmes bazës së të dhënave të informacionit të shoferit dhe automjetit në Florida, edhe pse data e lindjes së tij ishte e ndryshme nga ajo e të arratisurit.
Autoritetet në Palm Beach County kërkuan ndihmë për të identifikuar kuzhinierin si i arratisur, tha zëdhënësi i policisë Sgt. Scotty Leamon.
Përpara se të mbahej një seancë dëgjimore, Zyra e Sherifit të Qarkut Broward mori gjurmët e gishtërinjve për të arratisurin dhe i krahasoi me ato të kuzhinierit.
“Kur u konstatua se gjurmët e gishtave nuk përputheshin, Oliveira u lirua menjëherë nga burgu”, tha zëdhënësi i sherifit, Carey Codd.
