Fluturimet dhe udhëtimet me makinë rifilluan midis qyteteve të mëdha të Turqisë të hënën, ndërsa kafenetë, restorantet dhe Çarshia e Mbyllur ose ndryshe Pazari i Madh i Stambollit u rihapën.
Trafiku u shtua, më shumë turq u kthyen në punë ndërsa qeveria kërkon të ringjallë një ekonomi të goditur rëndë nga pandemia.
Shitësit hapën dhe pastruan dyqanet e tyre në Çarshi, për të cilin mediat thanë se ishte skenë e një prej shpërthimeve të para të virusit në mars, një destinacion kyç turistik ky, që mbyll për më shumë se dy muaj.
Qeveria e Presidentit Tayip Erdogan ka hequr ngadalë disa kufizime javët e fundit dhe autoritetet thonë se epidemia është nën kontroll.
Infeksioni i COVID-19 ka vrarë më shumë se 4500 persona dhe ka infektuar më shumë se 160,000 në Turqi.
Fluturimet ndërkombëtare pritet të fillojnë javën e ardhshme.
