Së fundmi Policia greke në Selanik ka shkatërruar një bandë të trafikut të drogës nga Shqipëria, ku janë arrestuar pesë persona, mes tyre e koka e grupit, një 41-vjeçar.
Mediat greke shkruajnë se banda e përbërë nga gjashtë shqiptarë dhe një shtetas grek, merrej me trafikun e marijuanës, heroinës dhe kokainës nga Shqipëria.
Deri më tani ende nuk dihen emrat e anëtarëve të bandës por mësohet se janë të moshës nga 19-29 vjeç.
Ndërkohë, policia greke ka sekuestruar 9 kg e 145 gram marijuane, 6 kg e 306 gram heroinë, 94 gram kokainë, 2 kg e 180 gram përzierës, 1 pistoletë me krehër me 7 fishekë, 5 fishekë, 1 peshore, 4500 euro dhe disa celularë.
