Në Francë grevë për rritjen e moshës së pensionit nga 62 në 64 vjeç. Në Shqipëri heshtje për daljen në pension për gratë 61 vjeçe e 6 muaj këtë vit, ndërsa për burrat 65 vjeç, ndërkohë që pensioni minimal është 8000 lekë në muaj.
Më shumë se 2 milionë njerëz protestuan në Francë të enjten kundër planit kontravers të qeverisë për të shtyrë moshën e daljes në pension. Midis tyre rreth 400.000 që dolën në rrugët e Parisit, sipas Philippe Martinez, Sekretar i përgjithshëm i sindikatës më të madhe të Francës CGT. Shërbimet e transportit publik ishin në një ndalesë virtuale dhe shumica e shkollave mbeten të mbyllura. Autoritetet franceze vendosën shifrën për protestuesit mbarëkombëtar në mbi 1.12 milionë, ende shumë më e lartë se sa pritej nga 600.000 deri në 800.000. Policia tha se të paktën 30 persona u arrestuan në Paris me akuza të ndryshme, duke përfshirë mbajtjen e armëve të ndaluara. Qeveria e presidentit Emmanuel Macron, këmbëngul se rritja e moshës së daljes në pension është e nevojshme për të trajtuar një deficit në financimin e pensioneve, duke thënë se kjo do të sjellë 17.7 miliardë euro shtesë (19.1 miliardë dollarë) në vit dhe do të mundësojë që sistemi të prishet deri në vitin 2027.
Sondazhet e opinionit tregojnë se rreth dy të tretat e qytetarëve francezë janë kundër planit për rritjen e moshës së pensionit nga 62 në 64 vjeç. Me dhjetëra sindikata, më e madhja ndër të cilat CGT, kanë shpallur grevën e përgjithshme në Francë, pas propozimit të qeverisë.
“Ka shumë mënyra të tjera për ta bërë sistemin e pensioneve më të zbatueshëm”, -tha për Anadolu Agency, Brigitte Gabriel, një anëtare e lartë e CGT-së.
“Priten më shumë protesta pasi kjo do të rrisë presionin ndaj qeverisë për të konsideruar edhe rritjen e pagave.”
Ndërsa dita e trazirave u shpalos, kryeministrja Elisabeth Borne theksoi nevojën për të inkurajuar debatin e lirë dhe shprehjen e opinioneve.
Në një postim në Tëitter, ajo vlerësoi “përkushtimin e policisë, si sindikatat, që lejuan që protestat të zhvillohen në kushte të mira”.
BOX
𝐒𝐡𝐪𝐢𝐩ë𝐫𝐢𝐚
Gratë në vendin tonë dalin në pension 61 vjeçe e 6 muaj këtë vit, ndërsa burrat 65 vjeç. Reforma e pensioneve e miratuar në vitin 2014 cakton një rritje graduale të moshës së pensionit si për burrat, ashtu edhe për gratë deri në vitin 2056, kur mosha e përfitimit të pensionit do të arrijë 67 vjeç për të dyja gjinitë. Ndërkohë, pensioni mesatar në Shqipëri (ku futen ato të qytetit e fshatit) është 15.000 lekë, kurse ai minimal 8000 lekë në muaj.
