Një shpërthim dhe një zjarr i dimensioneve të mëdha ka përfshirë, gjatë natës, portin e Ankonës në Itali. Zjarri filloi në një kapanon pak pas mesnate, për shkaqe ende të panjohura.
Zjarri siç e shihni dhe nga fotot e videot u përhap në një territor më të gjerë.
Fatmirësisht nuk ka të lënduar, duke parë edhe orën e vonë, por banorët afër portit përjetuan momente paniku.
Menjëherë në vendin e ngjarjes mbërritën zjarrfikëset dhe forcat e policisë që rrethuan zonën.
Si masë paraprake sot janë mbyllur shkollat e te gjitha niveleve, universitetet, parqet dhe mjediset sportive në natyrë, në pritje të analizave të ajrit dhe udhëzimeve nga autoritetet shëndetësore, të cilët kanë rekomanduar mbajtjen mbyllur të dritareve dhe kufizimin e udhëtimeve të panevojshme.
