Një 50-vjeçar shqiptar ndodhet në urgjencën e spitalit Magenta që prej javës së shkuar në gjendje të rëndë shëndetësore.
Sipas mediave italiane, efektivët kanë identifikuar personin që e shoqëronte, që e la në spital dhe iku. Por hedhin poshtë çdo lloj teze se kemi të bëjmë me një incident keqdashës.
Sipas Policisë, me shumë gjasa 50-vjeçari është plagosur gjatë një aksidenti në punë, dinamika e të cilit ende nuk është sqaruar.
Hetimet po vazhdojnë për të zbuluar dinamikën e ngjarjes, e cila ndodhi në Boffalora, pranë Ticino-s, zonë ku jeton shqiptari.
Mediat shkruajnë se akoma nuk është kuptuar pse nuk u lajmërua salla operative, e cila do të kishte dërguar ambulancë në vendin e ngjarjes, ku do t’i jepte edhe ndihmën e parë të aksidentuarit.
Pas ekzaminimit të mjekëve, shqiptari u transferua në repartin e Neurokirurgjisë në Legnano, por prognoza e tij mbahet akoma e fshehtë.
