Një 41-vjeçar shqiptar në Itali u arrestua pasi dyshohet se është i përfshirë në prostitucion. Në zonën e Bolsanos, policia ka shtuar kontrollet në disa pjesë të saj, ku dyshohet se ushtrohet ky aktivitet kriminal.
Në këtë mënyrë, autoritetet italiane kanë evidentuar shqiptarin i cili bënte xhiro të shpeshta rreth rrugës Siemens, duke transportuar vajza që dyshohet se ishin pjesë e këtij rrjeti.
Ai u kap në flagrancë nga policia ku gjatë kontrollit, i gjetën 7000 euro cash që vijnë nga aktiviteti kriminal.
Sipas mediave italiane, 41-vjeçari shqiptar ishte vendosur për të ruajtur zonën në mënyrë që të mos ketë incidente.
Në fund policia sekuestroi paratë e gjetura si dhe makinën që përdorte shqiptari.
