Çështja e Tajvanit, Kina sanksionon zyrtaren lituaneze

57
Sigal

Zëdhënësi i Ministrisë së Jashtme të vendit aziatik, Wang Wenbin, ka dënuar vizitën e një zyrtareje lituaneze në ishullin aziatik duke sanksionuar këtë të fundit, sipas Reuters.

“Ne dënojmë fuqishëm forcat lituaneze për shkeljen e qëllimshme të sovranitetit të Kinës dhe ndërhyrjen flagrante në punët e brendshme të Kinës”, tha Wang në një konferencë për shtyp.

Wang kujtoi se në mënyrë që vendi i tij të zhvillojë marrëdhënie dypalëshe me vendet e tjera, duhet të respektohet rregulli bazë që Tajvani është pjesë e Kinës. Marrëdhëniet dypalëshe midis Kinës dhe Lituanisë janë përkeqësuar që kur vendi baltik autorizoi hapjen e një zyre përfaqësuese tajvaneze në Vilnius, gjë që solli kritika të forta nga Pekini.

Tani, vizita e një zyrtarje lituaneze në Tajvan në mes të konfliktit në rritje midis Kinës dhe Shteteve të Bashkuara mbi ishullin aziatik, ka motivuar kërcënimin e vendit aziatik ndaj Lituanisë.

Ministria e Jashtme e Kinës gjithashtu vendsoi sanksione ndaj zëvendësministres së Transportit dhe Komunikacionit të Lituanisë, Agne Vaiciukeviciute për vizitën në Tajvan, duke rritur tensionet midis dy vendeve.

Ministria e Jashtme tha se Pekini do të pezullojë gjithashtu angazhimet me ministrinë  dhe bashkëpunimin për transportin me Lituaninë.