Një deputet britanik është goditur disa herë më thikë të premten në zonën e tij zgjedhore në Anglinë juglindore.
Mediat e huaja shkruajnë se është sulmuar ligjvënësi britanik David Amess.
Ngjarja ndodhi në kishën metodiste Belfairs në Leigh-on-Sea, në qarkun e Essex. Reuters konfirmon incidentin, duke cituar një zëdhënës nga zyra e tij parlamentare.
69-vjeçari Amess, një deputet nga Partia Konservatore në pushtet, aktualisht është duke marrë mjekim.
Policia e Essex shkroi në Twitter se një person ishte arrestuar pas një incidenti në Leigh-on-Sea dhe do të përditësonte informacionet.
