Temperatura -37 gradë celsius, stuhi dëbore dhe shkatërrim i shtyllave të tensionit. Kjo është pamja që vjen nga rajoni i Patagonias në jug të Argjentinës.
Sipas Sistemit Meteorologjik të Argjentinës ky po konsiderohet si dimri më i keq në vend që prej viteve 1990. Bora ka arritur deri në 1 metër lartësi dhe po kërcënon bujqësinë, blegtorinë dhe ka ndërprerë edhe trafikun normal të njerëzve dhe mallrave.
Për shkak të pandemisë së koronavirusit, banorët në Rio Negro thonë se nuk mund të përfitojnë edhe nga të ardhurat e turizmit malor, pasi zona është e preferuar për sporte dimërore.