Akuzohet se goditi me shufër hekuri policin në Greqi, habit shqiptari: Më arrestoi padrejtësisht!

51
Sigal

Një shqiptar ka dhunuar me shufër hekuri një polic në Greqi, pasi pretendoi se efektivi e kishte arrestuar pa të drejtë.

Mediat greke shkruajnë, se për këtë fermeri shqiptar është dënuar nga një Gjykatë greke me nëntë vite burg, e akuzohet për vrasje të lënë në tentativë.

Raportohet, se ngjarja ka ndodhur 9 gushtin e vitit të kaluar, ndërsa vendimi për shqiptarin është dhënë së fundmi.

Burri shqiptar mësohet të ketë thënë në polici, se me efektivin ka pasur konflikte sistematike, pasi ai, jo në pak raste e kishte arrestuar pa të drejtë.

Fotot e policit, me plagë të shumta në kokë, janë publikuar nga mediat greke, ndërsa identiteti i shqiptarit nuk është bërë i ditur.