Pas “Asim Zenelit”, janë evakuuar banorët edhe në fshatin “Arshi Lengo” në Gjirokastër.
Vetëm pak minuta më parë, në fshatin “Arshi Lengo” u ndez zjarri në Kodrën e Pishave, duke rrezikuar banesat ndaj është parë e arsyeshme të nisë evakuimi i banorëve.
Situata me zjarret në Gjirokastër është përshkallëzuar këtë pasdite, ku fatkeqësisht një banor humbi jetën në fshatin Asim Zeneli, ndërsa bashkëshortja e tij po merr ndihme mjekësore në spital. Ndërkohë, në fshahtin Arshi Lengo, pranë vatrës së zjarrit, forcat e ushtrisë kanë nisur tashmë evakuimin e banorëve nga shtëpitë, për shkak të rrezikut vijon të jetë prezent.
Një efektiv i Forcave të Armatosura është duke marr gjithashtu ndihmë mjekësore në spital pas asfiksisë që pësoi gjatë aksionit për shuarjen e flakëve.
