Zbardhet dëshmia e 63-vjeçarit për atentatin ndaj tij: Nuk kam konflikt të hapur me askënd

223
Sigal

“Nuk kam konflikt të hapur me askënd”.

Kështu ka deklaruar Lulzim Masha, administrator i një shkolle private në Tiranë, të cilit iu bë atentat me armë zjarri.

Ngjarja ndodhi rreth orës 11:00 te nënkalimi i Liqenit të Thatë, shumë pranë vendit të punës së Mashës.

63-vjeçari ndodhet në komisariatin nr.1 në Tiranë ku po pyetet nga oficerët e policisë.

Ai tha se autori ishte duke ecur në këmbë kur ka hapur zjarr me armë ndaj makinës së tij, duke shtuar se ishte veshur sportiv.

“Nuk kam konflikt të hapur me askënd, nuk e di se kush fshihet pas këtij sulmi. Atentatori ishte në këmbë dhe i veshur me veshje sportive”, mësohet të ketë thënë Masha.

Ka qenë Masha ai që ka njoftuar policinë, e cila gjeti në vendin e ngjarjes tre gëzhoja plumbash. Deri më tani nuk është identifikuar apo arrestuar asnjë person.