Në Gjykatën e Kurbinit kanë mbërritur këtë të mërkurë në mëngjes tre të dyshuarit për vrasjen e biznesmenit Rakip Roli.
Krimi i rëndë ndodhi të premten në Sanxhak të Kurbinit.
Llej Lika, babai i tij Skënder Lika dhe Klajdi Gjexhaj (Beleshi) do të njihen ditën e sotme me masën e sigurisë nga gjykata.
Për të garantuar sigurinë e tyre, ambientet e gjykatës janë rrethuar nga forca të shumta policie.
Arratia e tyre ka zgjatur vetëm pak orë pasi ndodhi krimi.
Bashkë me babë e bir u ndalua edhe Klajdi Gjexhaj, i cili dyshohet se i largoi ata me makinë nga vendi i ngjarjes.