Delon Troqe u ekzekutua mbrëmjen e sotme pranë një servisi makinash në lagjen Skelë të Vlorës, nga persona ende të paidentifikuar.
Autorët e kësaj ngjarje janë larguar drejt fshatit Sherishtë të Vlorë, aty ku është konstatuar një makinë në flakë që dyshohet se i përket autorëve.
Në automjetin e konstatuar duke u djegur në fshatin Sherishtë, pas fikjes së zjarrit nga shërbimet e zjarrfikëses, grupi hetimor gjatë këqyrjes së automjetit ka gjetur dy armë zjarri të tipit kallashnikov.
Viktima mësohet se ishte i dënuar dhe kishte vetëm pak kohë që ishte kthyer nga Spanja.