Shqipëria regjistroi sot numrin më të ulët të infektimeve, me vetëm 6 raste të reja nga 2020 testime të kryera në 24 orët e fundit.
Edhe situata në spitale duket pozitive, ku numri i të shtruarve ka rënë në 57. Duke marrë shkas nga situata epidemiologjike dhe nga ritmi i vaksinimit, pyetja që shtrohet është se kur do të lirohen masat kufizuese dhe si do të jetë vera.
Eugena Tomini, zëvendësministre e Shëndetësisë, u shpreh për mediat se Komiteti Teknik i Ekspertëve për pandeminë dukë të rishikojë masat në javën e parë të qershorit.
“Komiteti vlerëson situatën epidemiologjike. Duke pasur një ecuri të qëndrueshme të rasteve pozitive dhe atyre që kërkojnë shtrim në spital. Në fillimin e javës së parë të qershorit do të rivlerësohen masat, ashtu siç diskutohen sa herë që mblidhet komiteti i ekspertëve”,- ka deklaruar Tomini.
