Shefja e Epidemiologjisë në Institutin e Shëndetit Publik, Silva Bino ka folur për procesin e përgatitjes së vaksinës nga institutet ndërkombëtare.
Bino u shpreh se aktualisht ka shumë iniciativa që po punojnë për të nxjerrë vaksinën ndërsa u shpreh se në fund të vlerësimit, Shqipëria do të zgjedhë atë që është më e sigurt.
“Akoma Bota nuk ka një vaksinë të sigurt, janë pothuajsë 7 vaksina të cilat e kanë kaluar fazen e dytë, janë vaksina tepër premtuese dhe ka inisiativa të ndryshme.
Një inisiativë është inisiativa botërore e COVAX, një inisiativë e shumë vendeve dhe shumë partnerëve të rëndësishëm ndërkombëtar në fushën e vaksinimit nën udhëheqjen e OBSH. Ne do të zgjedhim atë vaksinë që është efikase dhe e sigurt”, tha Bino.
