Një fëmijë vetëm 4 vjeç është rrëzuar nga kati i dytë i banesës ku jetonte në Sarandë. Ai është duke u transportuar me urgjencë drejt spitalit të Traumës, në kryeqytet.
Mësohet se fëmija i lënduar është një vajzë 4 vjeçe me inicialet A.N. Gjatë rrëzimit ajo është goditur në kokë dhe aktualisht ndodhet në gjendje të rëndë. Mësohet se vajza e lënduar do të niset me helikopter drejt Tiranës.
Njoftimi i policisë:
Sot, rreth orës 15:20, në spitalin e Sarandës është paraqitur për ndihmë mjekësore, një fëmijë i moshës 4 vjeç, i cili dyshohet se është rrëzuar aksidentalisht nga kati i dytë i banesës, në fshatin Berdenesh, Sarandë. Fëmija do të dërgohet në Spitalin e Traumës, në Tiranë, për ndihmë mjekësore më të specializuar.
Në vendngjarje ndodhet grupi hetimor, i cili po punon për zbardhjen e plotë të ngjarjes.
