Mediat italiane kanë raportuar detaje nga ngjarja e rëndë që ndodhi pak ditë më parë në Shkodër, ku xhaxhai vrau aksidentalisht me çifte nipin e tij 10 vjeç. Ngjarja ndodhi mbrëmjen e së martës në fshatin Dajç.
Tgcom shkruan se 10-vjeçari me banim në Casalguidi (Pistoia) ka ndërruar jetë në Shkodër, teksa ishte me pushime me familjen e tij, si pasojë e një aksidenti fatal. Siç u raportuar edhe më herët, xhaxhai i vogëlushit, 68-vjeçari Vlash Jakaj, po pastronte armën e gjahut, në momentin që arma është shkrepur pa dashje, duke i marrë jetën nipit të tij J.Jakaj.
Pavarësisht ndihmës mjekësore, 10-vjeçari nuk mundi t’i mbijetonte plagëve. Aktualisht, prokuroria po vijon hetimet, ndërsa xhaxhai është ndaluar dhe ndodhet nën hetim.
Po ashtu mediat italiane raportojnë se trupi i vogëlushit është planifikuar që të kthehet në Casalguidi të premten. “U tronditëm nga ky lajm tragjik” është komenti i shoqatës ‘Arbëria’, të komunitetit shqiptar të Pistoias.
