Ekspertiza ka konfirmuar se ish-shefi shqiptar i antidrogës në Malin e Zi, Rudolf Elezoviç është varë me 1 plumb në kokë para 10 ditësh.
Megjithatë mediet malazeze, bëjnë me dije se policia nuk ka gjetur armën me të cilën është vrarë apo gëzhojën. Pranë trupit nuk është gjetur asnjë provë në ndihmë të grupit hetimor.
Hetuesit dyshojnë se oficeri i antidrogës së Ulqinit dhe Tivarit është ekzekutuar në një vend tjetër dhe më pas është çuar buzë lumit Buna.
Anëtarët e policisë kufitare gjetën trupin e pajetë të oficerit të policisë Rudolf Elezoviç në lumin Buna, zhdukja e të cilit u raportua më 27 maj. Zhdukja e Elezoviç u raportua nga gruaja e tij, pasi ai humbi gjurmët mes kufirit ujor të Shqipërisë me Malin e Zi në afërsi të Pentarit dhe Reçit në lumin Buna, ndërsa ka dyshime se ka bashkëpunuar më trafikantët për lejimin e kalimit të sasive të mëdha të drogës.
