Identifikohen dy të arrestuarit për kokainë e kapur mbrëmjen e kaluar në Portin e Durrësit.
Në pranga ka rënë administratori i kompanisë, që dyshohet se porositi mishin e pulës nga Brazili, brenda të cilit u gjet 45.5 kg kokainë, shtetasi kosovar, Arben Ferizi.
Gjithashtu, është arrestuar nga policia edhe agjenti doganor në Portin e Durrësit, i kontraktuar nga kompania, shtetasi Egert Vargu.
Kokaina ishte e ndarë në 40 pako dhe e mbështjellë me figura të filmit të animuar “Goku”.
