Tritan Kalo nxjerr pamjet e mushkërive të dëmtuara të personave në moshë të re që vdiqen nga covid dhe bën apelin e fortë (FOTO)

253
Sigal

Mjeku i njohur Tritan Kalo, përmes një reagimi të gjatë të shpërndarë në rrjetet sociale, ka bërë apel për të respektuar masat anticovid, pasi askush, pavarësisht moshës nuk është imun ndaj virusit.

Kalo tregon tre masat e thjeshta që duhen zbatuar, ndërsa bën thirrje për ndëshkimin e shkelësve.

“Kohë Kovidiane….24.02.2021…Infeksioni nga Sars-Cov2/Covid-19 ka mbi një vit i pranishëm mes nesh, duke shkaktuar jo pak lëndime te shëndetit të dhjetra mijra individëve, por edhe qindra e qindra jetëhumbje….NËSE në fillimet e përballjes me këtë “flamë mbarëbotërore” u krijua ideja se ajo prekte kryesisht moshat mbi 60 vjeç dhe në veçanti individët me komorbozitete, ecurija e saj na tregoj se kushdo mundet të rrezikohet nga prekja prej tij…..

Në ndërkohë mutacinet kineze, amerikane, italiane, britanike, braziliane, afrikano jugore, etj. kanë ndikuar në mbajtjen gjallë dhe në shpejtësinë e përhapjes, po ashtu edhe në shtimin e ndërlikimeve dhe jetëhumbjeve nga virusi Sars-Cov2/Covid-19…..Futja në përdorim e Vaksinave sigurisht do të ndikojë në uljen e rasteve të prekura, POR duhet të ndërgjegjësohemi se edhe dita e vaksinimit të gjithë popullatës nuku është aq e afërt….MBETEN kurdoherë të plotëvlerta si respektimi i vetëvetes së mirëndërgjegjsuar po ashtu edhe përkujdesi ndaj jetës së kujtëdo që gjallon rreth nesh….KURRË të mos harojmë se respektimi i trinomit të masave kufizuese në përhapjen e infektimit nga Sars-Cov2/Covid-19: Maskë, Distancim fizik dhe Higjenë personale dhe kolektive (MDH), kanë mbetur ndër shekuj tejet efektivë në luftën ndaj Pandemive të ndryshme….EKZEKUTIVI dhe ORGANET ligjzbatuese të mos tregohen tolerantë ndaj kujtdo që shkel respektimin e masave të aprovuara, qoftë ai/ajo funksionar i lartë, ministër, deputet, drejtues partije apo edhe qytetar i thjeshtë….”, shkruan mjeku.

Mjeku ka kërkuar shmangien e grumbullimeve për fushatë, ndërsa ka publikuar edhe CT-Scannerave, të disa individëve të rinj që kanë humbur jetën nga covid.

“Grumbullimet në takimet elektorale, në ndodhitë familjare, në mjetet e transportit publik apo edhe në mjediset e shkollave, si edhe mungesa e zbatimit të masave të higjenës në mjediset kolektive, po ndikojnë dhe do të vijojnë të ndikojnë në shtimin e rasteve të infektimeve nga Sars-Cov2/Covid-19….FUSHATA ELEKTORALE për zgjedhjet e parlamentare të 25 Prillit 2021, për asnjë dekikë nuk duhet të zbehë përditshmërinë e punës dhe përpjekjeve në përballjen me Sars-Cov2/Covid-19….JO PËR TË FRIGUAR grup moshat nën 40-45 vjeç, por për t’i ndërgjegjësuar ato i kam bashkëngjitur këtij postimi imazhe të CT-Scannerave, të disa individëve të këtyre grupmoshave që nuk kanë mundur t’a fitojnë betejën e përballjes me këtë “flamë”….Përpiquni të qëndroni sa më larg ndikimeve jo dobiprurëse të Gjithologëve dhe Anal-istëve, që fatkeqsisht kanë mbirë kudo në TV apo në Shtypin e shkruar dhe në Rrjetet sociale…JU DUAM dhe jo pak rrezikojmë edhe jetët tona në vijën në parë, që me Punën, Përkushtimin dhe Profesionalizmin tonë të mundet në MIRËBESIM dhe MIRËKUPTIM, të ngadhnjejmë në këtë “luftë me armikun e padukshëm”….Together forever!!!”, shkruan Kalo.

Kujtojmë se pak ditë më parë një 17 vjeçar vdiq nga covid. /Gazeta SHQIP

FOTOT/ Tritan Kalo nxjerr pamjet e mushkërive të dëmtuara tëFOTOT/ Tritan Kalo nxjerr pamjet e mushkërive të dëmtuara të