Tragjedia në Dibër, fqinji i dy minatorëve rrëfen bisedën e fundit: Më kërkuan të shkoja të punoja në minierë atë ditë

328
Minatore, duke vizituar shoket e tyre greviste, ne diten e peste se greves se urise, ne nje prej galerive te minieres se Bulqizes 1400 metra nen toke. Ata kerkojne plotesimin e kerkesave te tyre ekonomike dhe permiresimin e kushteve te sigurise ne miniere.
Sigal

Vdekja e tre minatorëve në qytetin e Dibrës ka shkaktuar një tragjedi të madhe si te familjarët e po ashtu te miqtë që i njihnin nga afër punëtorët.

Një fqinj i tyre, Saimir Balla në një intervistë për ‘Fax News’ ka deklaruar se dy minatorët i kishin kërkuar që të punonte dhe ai atë dite në minierë, mirëpo Balla i kishte refuzuar.

“Më thirrën dhe mua të punoja në Minierë, ata punojnë me dy turne, atë ditë me thirrën dhe mua. Unë nuk shkova. Kam punuar më parë në një minierë private.

Në minierë punonte Fatos Çesku dhe Rruzhdi Rrushiti”,– shprehet Saimir Balla, fqinj me punëtorët që ndërruan jetë në minierën e Selishtës në Dibër.

Viktimat që humbën jetën në minierën e Dibrës, trupat e të cilëve u nxorën mëngjesin e sotëm janë identifikuar si Ismail Hoxha, rreth 62 vjeç me detyrë inxhinier miniere dhe dy punëtorët Fatos Çesku dhe Rruzhdi Rrushiti; përkatësisht 55 dhe 29 vjeç.