Tragjedi në Kosovë/ Bab e bir vdesin brenda 3 ditësh nga Covid

43
Sigal

Tre ditë pas varrimit të babait, për shkak të infektimit me Covid-19, ka vdekur edhe një 29-vjeçar nga Lipjani.

Mësohet se ai kishte edhe probleme tjera shëndetësore, ndërsa bashkë me babain e tij ishin infektuar me Covid.

Dhjetë persona kanë humbur jetën në 24 orët e fundit si pasojë e Covid-19 në Kosovë, dhe janë regjistruar 311 raste të reja.

Në mesin e viktimave ishte edhe 29-vjeçari nga Lipjani, i cili pas infektimit kishte patur komplikacione shëndetësore.

Po nga koronavirusi kishte humbur jetën para tre ditësh edhe babai i 29-vjeçarit. Drejtori i Qendrës Kryesore të Mjekësisë Familjare në Lipjan, Agim Krasniqi, ka thënë për Express se 29-vjeçari u varros ditën e sotme.