“Të sëmurët te Infektivi infektohen qëllimisht”, Silva Bino shpërthen ndaj Cakos: Gomarllëqe, po qe i zoti të shkojë vetë të investigojë

339
Sigal

Deklarata e konspiracionistit Alfred Cako, se të sëmurët te Spitali Infektiv infektohen qëllimisht, ka sjellë edhe një reagim të ashpër nga shefja e Departamentit të Sëmundjeve Infektive në ISHP Silv Bino.

Deklaratës së fortë se mjekët dhe infermierët mund të kenë marrë para nga Ministria e Shëndetësisë dhe ISHP që të mos japin informacione të sakta dhe se respiratorët nuk punojnë në shumicën e rasteve, Bino i përgjigjet duke i konsideruar si gomarllëqesh.

Me anë të një statusi në rrjetet sociale, Bino ka shpërthyer ndaj Cakos, duke i thënë që të shkojë vetë te Infektivi dhe të investigojë dhe e akuzon se po promovon veten duke folur ”lloj lloj gomarllëqesh nga kolltuku”, ndërsa thotë se fajin për këtë e kanë mediat që promovojnë idiotësitë.

Statusi  Alfred Cakos: Mbi informacionin e vertete ndaj CV19! Mediat tona kellira vetem tmerrojne; asnje nuk shkon te investigoje ne spital tek infektivi e te intervistoje, te shohe se mos ka ndonje marreveshje konfidenciale mes punemarresve (mjeke dhe infermiere) dhe punedhenesit (Minstr. Shendetsise ose OBSH mbrapa saj) per te mos dhene asnje informacion te sakte mbi penalitete dhe mbi shperblimin qe me sa thone gojet e liga shkon tek 2,000 euro ne muaj;

do ti keshilloja te gjithe miqte e mij ketu te kene kujdes kur cojne familjaret e moshuar te semure me semundje te ndryshme se do tu bejne tamponin dhe do ti intubojne si te semure me CV19 dhe dihet se kush intubohet e pret bileten one way per ne boten tjeter, me shume gjasa; sepse ne shumicen e rasteve respiratoret nuk punojne dhe intubimi pengon frymemarjen; kini kujdes se edhe nga infarkti po shkuan ne spital mund tu thone keni CV19; jini vigjilente; Manastirliut & Co i duhen shume ato numrat e egzagjeruara te “te infektuarve dhe te vdekurve me CV 19” dhe me ndihmen e medias idiote ose bashkepuntore pas berihajit, duan te na cojne tek Plandemia nr. 2;

pas fitores se Trump, qetsimit te situates se brendshme dhe ridaljes se USA ne rolin e lidershipit boteror te gjitha keto mashtrime, krime dhe ekzagjerime me CV19 do te hetohen dhe sigurisht do te denohen;

kudh ka info nga brenda tek infektivi te me njoftoje ne privat ose te me kerkoje ne takim per te na njoftuar ne cdo moment se cfare ndodh aty brenda pasi duhet te mesojme te verteten dhe ti cjerrim masken cdo ‘piperke’ qe pervelon gjithe dynjane; perderisa nuk kemi medja te pavarura, kete lufte per informim te drejte te publikut duhet ta bejme ne qytetaret e pergjegjshem; ne mjekesine tone ka plot gra e bura te mire e trima per te thene te verteten!

Statusi i Silva Binos: Kur mediat pomovojne idiotsie. Te shkoje ky zoteria po qe i zoti vete tek Infektivi mqs qenkan rrena e te investigoje. Atje punonjesit rropaten perballen me rrezikun e njerezit perpeliten e perpiqen te mbijetojne ky ben lloqe cdo te premte se ja lejojne televizionet dhe e promovojne mediat se duket bukur. Mediat po ashtu promovojne njerez qe se kane pare noj here pacientin e infektuar apo se dijne nga bie virusi po bejne teori e politike populiste per te promovuarveten duke folur lloj lloj gomarlleqesh nga kolltuku.