Katër persona kanë rënë në pranga pasi akuzohen për vepra të ndryshme penale.
Një 64 vjeçar me inicialet N.M., banues në Vlorë është vënë në pranga pasi rezulton i dënuar me gjashtë muaj burg për veprën penale “Drejtimi i automjetit në mënyrë të parregullt”.
Po nga Policia e Vlorës është vënë në pranga një 26-vjeçar me inicialet F.Sh, pasi është kapur duke drejtuar automjetin në gjendje të dehur.
Policia e Sarandës ka vënë në pranga gjithashtu dy shtetas të tjerë, me F.A., 45 vjeç dhe E.D., 37 vjeç, të dy banues në Sarandë. Në banesat e dy të prangosurve janë gjetur doza të lëndëve narkotike.
Njoftimi i policisë Vlorë, Sarandë:
Gjatë fundjavës, në vijim të punës së pandërprerë për goditjen e paligjshmërive të ndryshme, Policia ka bërë kapjen dhe arrestimin e shtetasve:
• N.M., 64 vjeç, banues në Vlorë.
Ndalimi i këtij shtetasi në kërkim pasi Gjykata e Apelit Vlorë ka dënuar me 6 muaj burgim për veprën penale “Drejtimi i automjetit në mënyrë të parregullt”.
• F.Sh., 26 vjeç, banues në Vlorë.
Arrestimi i tij u bë në aksin rrugorë të lagjes “Pavarësia” Vlorë, pasi ky shtetas u kap duke drejtuar automjetin në gjendje të dehur.
• F.A., 45 vjeç, banues në Sarandë.
• E.D., 37 vjeç, banues në Sarandë.
Specialistët e Narkotikëve pranë Komisariatit të Sarandës, kanë bërë kapjen dhe arrestimin e këtyre dy shtetasve pasi nga kontrolli personal dhe në banesat e tyre, Policia ka konstatuar lënde narkotike (sasi të vogla) e dyshuar e llojit cannabis sativa.