Silva Bino: Koronavirusi në Shqipëri është përhapur që në shkurt, atëherë filloi qarkullimi i sëmundjes

173
Sigal

Shefja e epidemiologjisë në Institutin e Shëndetit Publik, Silva Bino është shprehur se rastet e para të koronavirusit janë hapur që në muajin shkurt.

Gjatë një intervistë për ABC News, Bino tha se në shkurt ka filluar qarkullimi i sëmundjes, por nuk ka qenë intensive.

“Sigurisht që patëm, kemi pasur raste sporadike në fund të shkurtit. Më 28 shkurt janë shfaqur shenjat e para klinike. Ka filluar qarkullimi i sëmundjes, por jo intensiv. Që në fund të janarit ne kemi filluar gjurmimin epidemiologjik të gjitha formave të rënda.

Pavarësisht se gripi është një virus i paparashikueshëm. Nuk kishim gjasa që ta masnim, pasi në 7 janar Kina ndau sekuencën dhe ju dha mundësia botës për të përgatitur testet dhe në fund të janarit kemi pasur testet”, u shpreh Bino.

Por edhe pse Silva bino deklaron se rastet e para janë hasur në shkurt, zyrtarish nga Ministria e Shëndetësisë ka njoftuar 8 mars pacientin “0” në Shqipëri.