Shpronësimet/213 familje të Moravës në protestë, bllokojnë pistën e Aviacionit

155
Sigal

Dhjetëra banorë të 213 familjeve në fshatin Moravë janë mbledhur paraditen e sotme në një protestë paqësore në pistën e aviacionit të Kuçovës.

Ata shprehen se nuk janë dakord në lidhje me shpronësimet e tokave pasi shkresa që ka mbërritur nga Ministria e Mbrojtjes, i konfirmon se toka që do iu shpronësohet me dy milion lekë dylimi dhe ata nuk janë dakord.

Mësohet se banorët janë ankuar për këtë shpronësim dhe pretendojnë se asnjëri nuk e ka marrë parasysh kërkesën. Banorët deklarojnë se nuk do të lejojnë t’ju merret shtëpia, serat dhe toka me këtë çmim.

Ata theksojnë se nuk do të largohen nga pronat e tyre dhe paralajmërojnë se do të përshkallëzojnë reagimin, duke protestuar edhe para Ministrisë së Mbrojtjes.