Një 15-vjeçar ka përfunduar në spital pasi është plagosur me thikë nga bashkëmoshatari i tij.
Ngjarja e rëndë raportohet të ketë ndodhur këtë paradite në Paskuqan, në shkollën “Jashar Hoxha”.
Dy adoleshentët janë konfliktuar më njëri-tjetrin në ambientet e shkollës dhe njëri prej tyre ka qëlluar tjetrin me thikë. Për pasojë, i plagosuri është dërguar në spital, ndërsa autori i dyshuar në komisariat.
Njoftimi i policisë:
Më datë 30.03.2023, në Paskuqan, në shkollën “Jashar Hoxha”, janë konfliktuar dy nxënës shkolle, dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij, i cili si pasojë është dëmtuar dhe ndodhet nën kujdesin e mjekëve.
Autori i dyshuar është shoqëruar në komisariat për veprime të mëtejshme. Grupi hetimor po punon për sqarimin e rrethanave të ngjarjes.
