Stuhia e shiut që zgjati më shumë se dy orë pasditen e sotme në rrethin e Gramshit ka dëmtuar rëndë infrastrukturën rrugore.
Në aksin që lidh fshatin Rovje me qytetin ka patur rrëshqitje dherash e inertesh duke sjellë bllokimin e kësaj rruge.
Sipas informacioneve të para, në pjesën e bllokuar të rrugës janë nisur autoritetet përkatëse për mirëmbajtjen dhe kanë nisur punën për zhbllokimin e këtij aksi.
