Rregullat e reja për hyrjen në Gjermani për partnerët e pamartuar

111

Qeveria federale gjermane njofton se partnerët e pamartuar mund të hyjnë në Gjermani nga vendet e treta të cilat nuk janë në listën “e sigurt” përfshihet këtu edhe Shqipëria, për vizita afatshkurtra te partneri që jeton në Gjermani. Kjo vlen për gjermanët, shtetasit e BE-së ose shtetasit e vendeve të treta me të drejtën e qëndrimit në Gjermani.

Në njoftimin e publikuar nga Tirana International Airport, mësohet se qeveria gjermane ka sqaruar se nëse personi në fjalë nuk ka pasaportë EU apo vizë gjermane, duhet të përmbushen disa kushte. Së pari, çifti është në një marrëdhënie / partneritet afatgjatë dhe të dy partnerët janë takuar personalisht në Gjermani të paktën një herë, ose çifti ka një vendbanim të mëparshëm të përbashkët në një vend tjetër deri vonë.

Dokumentet që duhet të paraqiten për hyrjen në Gjermani si dëshmi: Një ftesë nga personi që jeton në Gjermani, si dhe një kopje e dokumenteve të identitetit të personit që lëshon ftesën, një deklaratë për ekzistencën e marrëdhënies, të nënshkruar nga të dy partnerët dhe duke përfshirë detajet e kontaktit të të dy partnerëve; Dëshmi të tjera të përshtatshme për takimet e mëparshme personale, në veçanti pullat e pasaportave, dokumentet e udhëtimit / biletat e fluturimit ose një vendbanim të përbashkët në një vend tjetër; mund të sigurohen edhe dokumente shtesë siç janë fotot, postimet në media sociale, korrespondenca postare / emaili etj.

Tirana International Airport njofton se, pavarësisht nga kriteret e theksuara më lart, vendimi nëse lejohet hyrja është në diskrecionin e Policisë Federale Gjermane në kufi. “Të gjithë udhëtarët duhet të ndjekin ende kërkesat e karantinës së shtetit përkatës federal të Gjermanisë”, thuhet në njoftimin zyrtar të qeverisë federale gjermane.