Kryeministri Edi Rama ka replikuar me komentuesit në faqen e tij të Facebook-ut për skandalin e sanitares Tire Alldervishaj.
Edhe një herë, Rama tha se nuk ka pyll pa derra dhe se mjekët janë heronj. Ai u ka kthyer përgjigje pjesës më të madhe të komentuesve, të cilët sillnin në vëmendjen skandalin, ku sanitarja e spitalit “Shefqet Ndroqi”, i mori 8 milionë lekë të vjetra vajzës së një paciente me Covid-19.
Sipas Alldervishaj, paratë i ndante me mjekët dhe infermierët që kujdeseshin për nënën e saj. “Ti dhe kushdo flet si ti u merr te keqen mjekeve e infermiereve! Pyll pa derra nuk ka dhe as nje e as dhjete te korruptuar, nuk e bëjnë me pak heroike sakrificen e mijera mjekeve e infermiereve”,- i përgjigjet Rama njërit prej komentuesve.
