Ra në kontakt me energjinë bashkë me dy punonjës, humb jetën në spital pronari i hotelit në Dhërmi

24
Sigal

Përmasa tragjike merr ngjarja në Dhërmi, ku pronari i një hoteli ka ndërruar jetë pasi ra në kontakt me energjinë elektrike, ndërsa u plagosën dy punonjës.

Bëhet fjalë për shtetasin me inicialet A.M., 40 vjeç. Ai ndërroi jetë në spital.

“Në vijim të informacionit paraprak të dhënë, për tre shtetasit të cilët ranë në kontakt me energjinë elektrike në ambientet e jashtme të një hoteli në Dhërmi, ju informojmë se shtetasi A. M., rreth 40 vjeç, pronari i hotelit, ka ndërruar jetë për shkak të dëmtimeve, ndërsa dy punonjësit e dëmtuar do të transportohen për ndihmë mjekësore të specializuar në Tiranë.”, thuhet në njoftimin e policisë.