Puna e madhe që po bëhet në Kinë, spitali me 1000 shtretër pothuajse gati

524

Wahan, qyteti i Kinës, po ndërton një spital të ri me 1.000 shtretër për të trajtuar viktimat e një koronavirusi të ri, duke mobilizuar makineri për ta përgatitur atë në fillim të javës tjetër, thanë mediat shtetërore.

Ky virus është përhapur kudo dhe ka vrarë rreth 25 njerëz në Kinë dhe ka infektuar më shumë se 800, tha qeveria.

Rastet më të shumta të prekur nga ky virus ndodhen në qytetin qendror kinez, Wuhan, ku besohet se virusi ka origjinën që prej fundit të vitit të kaluar.

Spitali i ri po ndërtohet rreth një kompleksi, të destinuar fillimisht për punëtorët lokalë. Aty do të ngrihen ndërtesa të parafabrikuara, të cilat do të kenë 1.000 shtretër.

Ky spital synon të kopjojë përvojën e Pekinit në 2003, kur qyteti u ndesh me Sindromën e Rëndë Akute të frymëmarrjes (SARS). Rreth 774 njerëz vdiqën globalisht në epideminë SARS, e cila arriti gati në 30 vende.

Në atë kohë, Pekini ndërtoi spitalin Xiaotangshan në periferitë e tij veriore në vetëm një javë. Brenda dy muajve, ajo trajtoi një të shtatin e të gjithë pacientëve SARS të vendit, tha Changjiang Daily.

Spitali i Pekinit, i ndërtuar nga 7,000 punëtorë, ishte krijuar fillimisht vetëm për të marrë njerëz që ishin në shërim nga SARS për të lehtësuar presionin ndaj spitaleve të tjera.

Në fund ajo trajtoi afro 700 pacientë SARS.