Në mesin e provimeve maturantët në disa qytete të vendit janë ngritur për të protestuar.
Maturantët në Tiranë u mblodhën këtë mëngjes përpara Ministrisë së Arsimit. Ata e kanë cilësuar mbi nivelin mesatar tezën e Matematikës dhe kërkojnë uljen e pragut të pikëve.
Ndërkohë, pasi protestuan te ministria ku edhe bllokuan rrugët, maturantët janë zhvendosur. Ata janë pozicionuar tashmë përpara Qendrës së Shërbimeve Arsimore, QSHA.
Në një deklaratë mëngjesin e sotëm përfaqësues të QSHA hodhën poshtë pretendimet e maturantëve.
Sipas tyre teza ka qenë e nivelit mesatar dhe asgjë nuk ka qenë jashtë programit.