Pritë në derën e shtëpisë, detaje tronditëse nga ekzekutīmi i vëllezërve në Krujë

46

Dy vëllezër, Gazmir dhe Xhoi Bardhi 34 dhe 24 vjeç janë ekzekutuar nga Roland Pula, 32 vjeç në portën e shtëpisë së tyre.

Ngjarja ndodhi rreth orës 22:25 të së enjtes në fshatin Gramëz të Krujës.

Nga plumbat, dy të rinjtë mbetën të plagosur, por humbën jetën rrugës për në spital.

Shkak për këtë vrāsje dyshohet të jetë hakmarrja, për një ngjarje të ndodhur vite më parë.

Abc News raporton se të mërkurën një nga vëllezërit e autorit të vrāsjes është konfliktuar verbalisht me njërin nga vīktimat.

Por, kjo nuk është e vetmja përplasje mes tyre.

Vite më parë një nga vëllezërit e viktīmës, i cili aktualisht është në emigrim ka plagosur me thikë kushëririn e Roland Pulës.

Për këtë ngjarje ai është dënuar disa vite me burg. Pas kryerjes së dënimit ai është lënë i lirë.

Burime nga grupi hetimor treguan për Abc News se autorët i kanë studiuar mirë lëvizjet e dy vëllezërve.

Për të mos rënë në sy, ai i ka pritur ata pranë shtëpisë së tyre, ndërsa ishin duke u futur në shtëpi.

Dyshohet se dy vëllezërit janë qëlluar nga dy ārmë njëkohësisht.

Duke përfituar nga errësira autori është larguar nga vendi i ngjarjes me mjetin e tij luksoze tip “Benz”.

Për të humbur gjurmët e policisë ai e ka braktisur makinën, pranë pompave të ujit, shumë pranë vendit të ngjarjes.

Makina është gjetur nga policia, ndërsa 32 vjeçari vijon të jetë në kërkim.

Roland Pula njihet si person problematik në zonë. Ai ka qenë i dënuar për grabitje, kryesisht në vjedhje dhe kultivim të lëndëve narkotike.