Presidenti Meta dënon dhunën ndaj gazetarëve / Fton organizatat ndërkombëtare të gazetarëve që të reagojnë

214
Presidenti Meta ka dhënë një mesazh në llogarinë e tij në rrjetin social facebook, në lidhje me arrestimet e gazetarëve gjatë protestës së sotme. Kreu i shtetit bëri thirrje ndaj organizatave ndërkombëtare të gazetarisë që të reagojnë për kolegët e tyre në Shqipëri si edhe theksoi se nuk do të lejojë kurrë, instalimin e modelit Lukashenko në Shqipëri.
Ja postimi i plotë :
Dënoj me forcë përsëritjen e rasteve të dhunës së shëmtuar dhe të dënueshme, të ushtruar ndaj gazetarëve, nga ana e efektivëve të caktuar të Policisë së Shtetit.
Dhunimi i kryeredaktorit të “Koha Jonë”, z.Qamil Xhani, pranë ambienteve të redaksisë dhe ndalimi i tij për disa orë, është tregues se dhuna ndaj përfaqësuesve të medias dhe shoqërisë civile është e frymëzuar dhe e organizuar në nivelet më të larta të Qeverisë dhe Policisë.
Përsëris thirrjen publike dhe e nxis Prokurorinë të reagojë menjëherë dhe të vendosë para përgjegjësisë ligjore, pa më të voglën zvarritje, frymëzuesit dhe autorët e dhunës ndaj gazetarëve dhe përfaqësuesve të medias.
I ftoj të gjitha organizatat ndërkombëtare të gazetarëve të reagojnë në mbrojtje të kolegëve të tyre në Shqipëri.
I garantoj të gjithë gazetarët e lirë dhe të pavarur se, NUK DO TË LEJOJ KURRË INSTALIMIN E MODELIT LUKASHENKO NË SHQIPËRI. 🇦🇱
Sigal