Polaku gjendet i pajetë në dhomën e hotelit në Golem, policia jep detajet

120
Sigal

Policia e Tiranës ka njoftuar se një shtetas polak 70 vjeç me inicialet T.Z., është gjetur pajetë në një hotel në Golem.

Ngjarja ka ndodhur mbrëmjen e djeshme. Sipas autoriteteve dyshohet se vdekja ka ardhur për shkaqe natyrale.

“Më datë 04.06.2023, rreth orës 23:50, në Golem, në dhomën e një hoteli, ka ndërruar jetë shtetasi polak T. Z., 70 vjeç, i cili ishte i akomoduar pranë këtij hoteli. Nga veprimet e kryera dyshohet se vdekja ka ardhur për shkaqe natyrale (arrest kardiak)”, thuhet në njoftimin e policisë.

Sakaq materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.