Një incident i rëndë është shënuar këtë pasdite në fshatin Vërdovë të Pogradecit.
Një fëmijë 4-vjeçar mësohet se ka rënë nga kati i tretë i banesës së gjyshit të tij, duke pësuar dëmtime të rënda.
I mituri po transportohet drejt Tiranës për mjekim të specializuar.
Pogradec/Informacion paraprak
Mbrëmjen e sotme, në Spitalin e Pogradecit, është dërguar për ndihmë mjekësore shtetasi i mitur R. K., 4 vjeç, banues në fshatin Gështenjas, i cili dyshohet se duke luajtur në banesën e gjyshit të tij, në fshatin Vërdovë, aksidentalisht është rrëzuar nga kati i tretë i banesës, në katin e dytë të saj, duke pësuar dëmtime fizike.
Ky shtetas do të transportohet në Tiranë, për mjekim më të specializuar.
Grupi hetimor po punon për zbardhjen e rrethanave të ngjarjes.