Një fëmijë 7-vjeçar është përplasur nga një makinë, ndërkohë që ai ishte duke lëvizur me biçikletë.
Aksidenti ka ndodhur mesditën e sotme, rreth orës 12:30, në rrugën “OSBE”, në Kamëz.
Policia e Tiranës bën me dije se “mjeti me drejtues L.L.,ka aksidentuar fëmijën e mitur me iniciale D.K.,7 vjeç, i cili ishte duke qarkulluar me biçikletë, i cili ndodhet në spital, jashtë rrezikut për jetën”.
Tirane/ Informacion paraprak
Më datë 20.06.2020, rreth orës 12:30, në rrugën “OSBE”, në Kamëz, mjeti me drejtues L.L., ka aksidentuar fëmijën e mitur me iniciale D.K.,7 vjeç, i cili ishte duke qarkulluar me biçikletë, i cili ndodhet në spital, jashtë rrezikut për jetën.
Grupi hetimor dhe shërbimet e Policisë ndodhen ne vendngjarje dhe vijon puna për zbardhjen e rrethanave të ngjarjes.