Detaje të reja janë mësuar nga plagosja e ndodhur në Kuçovë paraditen e sotme.
Dy të rinj që janë konfliktuar me njëri tjetrin janë banorë të së njëjtës lagje në këtë qytet.
Në dëshminë e tij Xh. Kapllanaj i cili mbeti i plagosur me armë zjarri ka deklaruar se nuk e ka kuptuar si kanë rrjedhur gjërat duke theksuar se nuk e kishte pritur që debati me 26-vjeçarin R. Gjika të agravohej deri në përdorimin e armës.
“Nuk e mora vesh si ndodhi aq papritur. U zumë me fjalë dhe nuk e mendoja që situata do të agravohet, R. Gjikamori armën dhe më plagosi në dorë”, i ka thënë ai uniformave blu.
Në vendin e ngjarjes kanë mbërritur policia dhe ambulanca e cila ka bërë të mundur transportin e 25-vjeçarit Kapllanaj drejt spitalit për të marrë ndihmën e parë mjekësore.
Policia po heton për shkaqet e nisjes së konfliktit mes dy të rinjve.
