Policia e Lezhës ka arrestuar autorin e dyshuar të plagosjes së Martin Prengës në Fan të Mirditës.
Autori i dyshuar është një 25 vjeçar me inicialet F.Gj.
Bashke me të është ndaluar dhe një person tjetër i dyshuar si i përfshirë në plagosje.
Ngjarja ndodhi mbrëmjen e të premtes pas një konflikti të çastit, mes 51-vjeçarit Prenga dhe dy personave të tjerë.
“Nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit të shtetasit M.P. me dy shtetas të tjerë të cilët janë shpallur në kërkim dhe punohet intensivisht për kapjen e tyre, por për shkak të hetimit, nuk bëjmë me dije të dhëna të tjera për identitetet e tyre”, njoftonte policia në informacionin paraprak të premten.
